Россия премьер-лигасида ўйнаган футболчи қандай қилиб "Локомотив"га келиб қолганди?

Хабарингиз бор, Тошкентнинг “Локомотив” клуби ўз сафига Россия премьер-лигаси вакили – “Оренбург” жамоасида тўп сурган ҳамюртимиз Вадим Афонинни таклиф этди. Шу тариқа, у эндиликда темирйўлчиларнинг аъзосига айланди.

Аммо кўпчилик Афонинни “Оренбург”дан кетиб, “Локо”да тўп суришини кутмаган бўлса ҳам керак. Қизиқ, Вадимнинг у ердан кетишига ва “Локомотив”га келишига нима сабаб бўлган?

- Охирги пайтларда менда “Оренбург”да унчалик кўп ўйин вақти бўлмаётганди. Шунинг учун ҳам раҳбарият ҳеч қандай муаммосиз менинг кетишимга имкон беришди. Бу орада эса Андрей Фёдоров билан мулоқот қилдим. Шунда у менга фаолиятимни “Локомотив”да давом эттиришни таклиф қилди ва мен бундан жуда хурсандман, - дея ўз фикрини билдирди Афонин.

Тез орада сайтимиз орқали ушбу ўйинчи билан уюштирилган суҳбатни ўқишингиз мумкин.