Россия ва Украина Европа чемпионатида ўзаро тўқнаш келиши мумкин

Россия ва Украина терма жамоалари футзал бўйича 2022 йилги Европа чемпионати ярим финалида тўқнаш келиши мумкин.

Агар россияликлар 1/4 финалда Грузия термасини мағлуб этса, бу содир бўлади. Учрашув бугун бўлиб ўтади.

Эслатиб ўтамиз, гуруҳ босқичида Россия терма жамоаси Словакия (7:1), Хорватия (4:0) ва Польша (5:1) устидан ғалаба қозонган эди. Украиналиклар эса Сербияни мағлуб этишди (6:1), Нидерландия (2:3) ва Португалияга (0:1) имкониятни бой беришди. 1/4 финалда Украина Қозоғистонни мағлуб этди (5:3).