"Ростов" меҳмондан ғалаба билан қайтди

Россия премьер-лигаси 4-туридан ўрин олган "Уфа" - "Ростов" учрашуви ўз якунига етди. Унда меҳмонлар 0:1 ҳисобидаги кичик ғалабага эришди. 

Ҳамюртимиз Элдор Шомуродов ушбу учрашувда 90 дақиқа ҳаракат қилди. Аммо унинг голсиз серияси яна давом этадиган бўлди.

Шу тариқа, "Ростов" ҳисобидаги очколар 6 тага етди ва клуб РПЛ онлайн жадвалида 8-поғонага кўтарилиб олди.

• 90'
  

  Учрашув якунланди! Матнли трансляцияни Абдулвосид Валихонов олиб борди. 

• 90+'
  

  Бироз аввал майдонга тушган Чернов сариқ карточка ишлаб олишга улгурди.

• 90+'
  

  Учрашув асосий вақтига 3 дақиқа қўшиб берилди.

• 90'
  

  Шомуродов ўрнига Давид Тошевски майдонга туширилди. 

• 87'

  "Ростов" ўйинни назорат қилмоқда. 

• 85'
  

  Зайнутдинов ўрнига Чернов майдонга тушди.

• 84'
  

  Каталин Карп ўрнини Ловро Бизяк тўрдиради.

• 82'
  

  Байрамян сариқ карточка билан жазоланди. У рақибига нисбатан қўпол ҳаракат қилди.

• 80'
  

  ГОООООООООООООООЛЛЛЛЛЛ!!! Хасимотодан гол ва "Ростов" ҳисобда олдинга чиқиб олди. 

• 79'
  

  Агаларов ҳам сариқ карточка ишлаб олди.

• 77'
  

  Каталин Карп огоҳлантирилди.

• 75'
  

  Данченко ўрнига Безденежный майдонга ташланди.

• 74'

  Полознинг навбатдаги зарбаси дарвоза юқорисидан ўтиб кетди.

• 74'

  Полоз яхши вазиятдан зарба берди. Аммо ҳимоячилардан бири тўп йўналишини ўзгартиришга эришди.

• 72'

  Агаларовнинг жарима майдони марказидан берган зарбасини ҳимоячилар узоқлаштиришга эришди.

• 70'

  Полознинг узун паси буткул ноаниқ чиқди. 

• 68'
  

  "Уфа" бош мураббийи Вадим Евсеев майдонга чиқиб кетгани учун огоҳлантирилди.

• 66'
  

  Норманн ўрнига Полоз майдонга тушди.

• 65'
  

  Жемалитдинов ўрнига Агаларов майдонга тушди.

• 64'
  

  Ионов ўрнига Мамаев майдонга тушди.

• 61'

  Ионовнинг жарима майдонига узатган тўпни ҳимоячилар қайтариб қолди.

• 58'

  Матиас Норманнинг рейди ҳимоячилар томонидан тўхтатилди.

• 55'

  "Ростов" тўп назоратини қўлга олган ҳолда "Уфа" ҳимоясига йўл ахтармоқда.

• 52'
  

  Жемалитдинов офсайдда қолиб кетгани кўрсатилди. "Ростов" ҳужумга ўтиши мумкин.

• 49'

  "Ростов" футболчиси жарима майдонига тезликда кириб борди. Аммо зарбагача иш етиб бормади. Тўпни узатишга ҳам улгурмади.

• 47'

  Норманнинг жарима майдони ташқарисидан берган зарбаси жуда ноаниқ.

• 46'
  

  Иккинчи тайм бошланди.

• 46'
  

  Голубев ўрнига Тилль майдонга тушди. "Уфа" биринчи бўлиб ўзгариш қилиши кутилганди.

• 45'
  

  Танаффус! Ҳозирча 0:0

• 45+'
  

  Биринчи бўлимга 2 дақиқа қўшиб берилди.

• 45'
  

  ЭЭЭЭЛЛЛДОООООООООРРРРРРР!!! Шомуродовнинг ўта хавфли ва аниқ зарбасини Беленов қайтарди. Тугайдими бу голсиз серия?!

• 43'

  Никитин тўпни дарвоза чизиғи устидан қайтариб қолди. Аниқроғи, дарвозага кириб кетаётган тўп уфаликлар ҳимоячиси томонидан бартараф этилди.

• 42'

  "Ростов" яна бир вазиятга эга бўлди. Аммо ҳужум голгача етиб бормади. 

• 41'

  Жарима майдони марказига узатилаётган тўплар бирин-кетин қайтарилмоқда. "Уфа" ҳозирча ҳимояда мустаҳкам. 

• 40'

  Беленов олисдан узатилган тўпга ўз вақтида чиқиб, уни узоқлаштирди.

• 39'
  

  Ҳа, Кротовни бош ҳакам ВАР орқали вазиятни кўриб чиққач, майдондан четлатди.

• 38'

  Кротовнинг қўполлиги қизил карточкага тортиши мумкин. ВАР кўриб чиқмоқда.

• 36'
  

  Кротовга сариқ карточка кўрсатилди. Майдон марказида "Ростов" футболчисига нисбатан жуда қўпол ўйнади.

• 33'

  "Ростов" "Уфа"ни қамал ҳолатига солиб қўймоқда. 

• 30'

  Шомуродов ўнгроқда тўпни қабул қилиб, Ионовга етказиб берди. Зарба ҳимоячилар томонидан блокланди. Элдор яхши пас ўйлаб топа олди.

• 29'

  Беленов Голобевнинг узоқдан йўллаган зарбасини ушлаб олди. Ҳозирча яққол голли вазиятлар бўлмади.

• 28'

  Байрамян майдон марказида қоидани бузди. "Ростов" ҳужуми тўхтаб қолди.

• 24'

  Байрамян Никитиннинг хатосидан сўнг дарвозага зарба йўллаш имконига эга бўлди. Беленов ўз ўрнида. Зарба у қадар кучли чиқмади.

• 22'

  "Ростов"га ғалаба керак. Жамоа буни тўлиқ ҳис қилган ҳолда олдинга интилмоқда.

• 20'

  Жамоалар темпни бироз пасайтиришди. Ўйин асосан майдон марказида бўлмоқда.

• 18'

  Норманнинг жарима майдони марказидан берган зарбаси дарвоза устидан ўтиб кетди.

• 17'

  Жемалитдиновнинг зарбаси яхши блокланди. Хавфли вазият бўлганди.

• 14'

  Шомуродов жарима майдони ичида тўпни қабул қилиб олди. Зарбаси бироз ноаниқ кетди.

• 11'

  Хасимотонинг узатмаси анча кучли ва ноаниқ чиқди.

• 8'

  Байрамянни ҳимоячилар яхши қўриқлашмоқда. Яна унгача тўп етиб келмади.

• 7'

  Шомуродов қоидани бузди.

• 6'

  Байрамянга узатилган тўпни ҳимоячилар қайтариб юборди.

• 4'

  Шомуродовнинг узатмасидан сўнг Байрамян тўпни олдириб қўйди. Шу тариқа, "Уфа" ҳимоядан чиқиб олди.

• 2'
  

  Хажикадуничга тиббий ёрдам кўрсатилмоқда.

• 2'
  

  "Уфа"нинг биринчи дақиқаларданоқ амалга оширган бурчак зарбаси самарасиз чиқди. Ҳимоячилар тўпни узоқлаштирди.

• 1'
  

  Учрашув бошланди! 

• 0'

  Жамоалар майдонга тушиб келиб улгуришган. Ҳамюртимиз Элдор Шомуродов бугун голсиз сериясига барҳам беришига умид қиламиз.

• 0'

  Бугун Россия премьер-лигаси 4-туридан ўрин олган "Уфа" ва "Ростов" жамоалари ўртасидаги баҳс бўлиб ўтади.

• 0'

  Ассалому алайкум, қадрли футбол ихлосмандлари. Барчангизни Уфа шаҳрига таклиф этамиз.