Рой Кин: «Беллингем футбол тарихидаги энг буюк футболчилардан бирига айланиши мумкин»

«Манчестер Юнайтед»нинг собиқ сардори Рой Кин Англия терма жамоаси ярим ҳимоячиси Жуд Беллингемнинг Хорватияга қарши ўйинини юқори баҳолади.

«Жуддан янада кўпроқ нарса кутиш мумкин. У футбол тарихидаги энг буюк футболчилардан бирига айланиши мумкин. Беллингем — жамоанинг ҳақиқий етакчиси», — дея ирландиялик мутахассиснинг сўзларини Sky Sports келтирди.

Эслатиб ўтамиз, Томас Тухел шогирдлари сафарда Хорватия термасини йирик – 7:0 ҳисобида мағлуб этди. 23 ёшли ярим ҳимоячи ушбу баҳсда бир гол урди ва уч бор жамоадошларига голли пас берди.