Рўйхатда Яхшибоев ва Убайдуллаев ҳам бор!

Беларуснинг амалдаги чемпиони –  “Шахтёр” 2017 йилдан бери жамоа таркибида ўйнаган хорижлик футболчилар сони 41 нафарга етганини маълум қилди.

Олий лиганиг иккинчи турида солигорскликлар Минскда “Энергетик-БГУ” меҳмони бўлди. “Шахтёр”нинг 2:1 ҳисобидаги ғалабаси билан якунланган ўйинда нигериялик Сандей Акинбуле иштирок этди ва солигорскликларнинг 2017 йилдан буён майдонда тўп тепган 41-легионери сифатида қайд этилди.

Таъкидлаш жоизки, “Шахтёр” шарафини ҳимоя қилган чет эллик ўйинчилар рўйхатида Беларусь чемпионлигини қўлга киритган Жасур Яхшибоев ва бу йилдан эътиборан ушбу жамоага қўшлган Шаҳзод Убайдуллаев ҳам бор. Ўтган йили солигорскликлар таркибида 7 та гол урган Жасур 12 та ўйинда қатнашган бўлса, Шаҳзод кетма-кет икки марта майдонга тушди.