Рўзим Аҳмедов "Хоразм" клуби бош директори!

"Хоразм Проф Футбол" МЧЖ Ягона таъсисчисининг қарорига мувофиқ Аҳмедов Рўзимбой Яхшимуродович "Хоразм" клуби бош директори этиб тайинланди. Унга қадар клубни Тажимов Умидбек Ортиқович бошқариб келаётганди. 

Рўзимбой Аҳмедов футболчилик фаолияти орқали футбол мухлисларига яхши таниш. Профессионал футболчилик фаолиятини айнан "Хоразм"да бошлаган Аҳмедов, кейинчалик "Пахтакор", ОКМК, "Навбаҳор", "Нефтчи", "Андижон", "Динамо", "Бухоро" каби клублар шарафини ҳимоя қилди ва фаолияти давомида 100 ортиқ гол уришга эришди. Эндиликда у жамоа раҳбари сифатида "Хоразм" муваффақиятларига ҳисса қўшишга ҳаракат қилади.

ЎзПФЛ матбуот хизмати.