Ro‘ziqul Berdiev: "Biz hujumlarda oqsadik"

OChL2 3-tur «Al Hussein» - «Nasaf» (2:1) uchrashuvidan so‘ng bo‘lib o‘tgan matbuot anjumanida qarshiliklar bosh murabbiyi Ro‘ziqul Berdiev ishtirok etdi.

- «Al Hussein» jamoasini bugungi g‘alaba bilan tabriklayman. Bugun ular g‘alabaga haqli edilar. Biz bugun hujumlarda oqsadik. Yaratilgan imkoniyatlardan foydalana olmadik. Raqibning amalga oshirgan o‘zgarishlari va hujum chizig‘idagi futbolchilarning maydonga chiqishi ularga qo‘l keldi.

- Bugun «Shabab Al Ahli» jamoasi ham g‘alaba qozondi. Oldinda yana uchta tur bor. Keyingi turlar uchun sizning rejalaringiz qanday?

- Uchta tur ortda qoldi. Bizni oldinda yana uchta bellashuv kutmoqda. Qolgan uchrashuvlarda g‘alaba uchun maydonga tushamiz. Bizni boshqa maqsadimiz bor. Superliga bellashuvlarida kerakli natijani qo‘lga kiritish. Undan so‘ng uyimizda bo‘ladigan OChL 2 doirasida ikkita o‘yinda g‘alaba qilishimiz kerak bo‘ladi.