Рўзиқул Бердиев: Чемпионларни ҳам шошириб қўйдик
Суперлига 24-туридан ўрин олган "Насаф" ҳамда "Пахтакор" жамоалари ўртасидаги ўйиндан сўнг қаршиликлар устози Рўзиқул Бердиев беллашув борасидаги ўз фикрларини билдириб ўтди.
"Биринчи бўлимда озроқ суст ҳаракат қилдик. Режамиз бўйича қарши ҳужумларда ҳаркат қилишимиз керак эди. Бир неча вазиятлар ҳам ярата олдик аммо улардан фойдалана билмадик. Бунинг устига кетма-кет иккита гол ўтказиб юбордик.
Иккинчи бўлимда вазиятни ўзгартиришга ҳаракат қилдик. Биринчи бўлимдан фарқли ўлароқ иккинчи бўлимда кўрсатган ўйинимиз мухлисларга манзур бўлди деб ўйлайман. Чемпион жамоани ҳам шошириб қўйдик. Лекин рақибимиз салоҳияти ва маҳорати жиҳатидан биздан устун. Шунинг учун улар бугун ғалабага эришишди. Чемпион жамоага қарши муносиб ўйнашга ҳаракат қилдик. Бунинг учун футболчиларга ва бизни қўллаб-қувватлаб турган мухлисларга миннатдорчилик билдираман", - деб Бердиевнинг сўзларини келтириб ўтди клуб расмий сайти.
Фикрлар