Ro‘ziqul Berdiev: "Etakchi futbolchilarning ketganligi baribir o‘z so‘zini aytmoqda"

Superliganig 2-turidan o‘rin olgan "Nasaf" - "Turon" uchrashuvi bo‘lib o‘tdi. O‘yin 2:1 hisobida mezbonlar g‘alabasi bilan yakun topdi.

"Ajdarlar"ning ikki goli Javohir Sidiqov va Husniddin Aliqulov tomonidan kiritildi. Yaypanliklarning yagona goli Quvondiq Ro‘ziev nomiga qayd etildi.

Uchrashuv yakunlanngach, qarshiliklar ustozi Ro‘ziqul Berdiev matbuot anjumanida ishtirok etdiva o‘z fikrlarini bildirib o‘tdi.

"Qarshiga kelgan jamoalar ko‘proq himoyalanib, vaqtni cho‘zish orqali tempni tushirishga harakat qilmoqda. Ikkinchi taymda ko‘proq harkat qildik va shuning evaziga g‘alabani qo‘lga kiritdik. Har doim shunday o‘ynashga harakat qilyapmiz, lekin raqiblarning tempni tushirishga bo‘lgan urinishlari sabab bizga qiyin bo‘lmoqda.

Sidiqov katta ishni bajarmoqda. Bellashuv so‘nggida uzun paslar bilan o‘ynadik va shu sabab uni zaxiraga oldim. Abdurahimov jarohatidan to‘liq tiklanmagani sabab qaydnomadan o‘rin olmadi. Etakchi futbolchilarning ketganligi baribir o‘z so‘zini aytmoqda. Qolaversa, Stanoevich va Limaning yo‘qligi ham standart vaziyatlarda juda sezilyapti. Bahrom va Kruz tez orada safga qaytadi. Markoning qaytishini esa yana 1-2 oy kutamiz.

Muhammadjon Rahimov Tojikiston chempionatidan kelib qo‘shildi. Albatta, bunda liganing saviyasida katta farq bor. Unga ozgina vaqt kerak bo‘ladi", – dedi Berdiev.