РПЛ. Иброҳимҳалил Йўлдошев жамоаси чемпионатни муваффақиятли тарзда бошлади

РПЛ 1-туридан ўрин олган "Локомотив" Москва - "Нижний Новгород" учрашуви якунланди. Унда жамоалар 1:1 ҳисобидаги дурангга имзо чекди. 

Дастлаб, 52-дақиқада Вильсон Изидор ҳисобни очган бўлса, 70-дақиқада Вячеслов Кротов мувозанатни тиклади. Шунингдек, нижний новгородликлар футболчиси Тимур Сулейманов 28-дақиқада қизил карточка олиб, майдонни тарк этди. Бир киши кам бўлиб қолган Кержаков шогирдлари якунда мағлубиятга учрамади. 

Шу тариқа, жамоалар илк турда бир очкодан бўлишиб оладиган бўлди. 

Қайд этиш лозим, Иброҳимҳалил Йўлдошев беллашувни асосий таркибда бошлади ва 73-дақиқада захирага олинди.