РПЛ. "Ростов" муҳим ғалабани қўлга киритди

Россия премьер-лигаси 5-туридан ўрин олган "Ростов" - "Урал" учрашуви якунланди. Унда майдон эгалари 1:0 ҳисобида ғалаба қозонди.

Ўйиндаги ягона гол 59-дақиқада Кенто Хасимото томонидан урилди. Эътиборлиси, япониялик футболчи тўп киритишидан бироз аввал захирадан ўйинга қўшилган эди. Ҳамюртимиз Элдор Шомуродов эса ушбу баҳсда 70 дақиқа ҳаракат қилди.

• 90'
  

  Учрашув якунланди! Матнли трансляцияни Абдулвосид Валихонов олиб борди.

• 90+'
  

  Учрашув асосий вақтига 3 дақиқа қўшиб берилди.

• 87'

  "Урал" футболчилари ҳужумда қоидани бузди. Бу орқали "Ростов" керакли сонияларни ютиб олади.

• 85'

  "Ростов" тўп назоратини яхши амалга оширмоқда.

• 83'

  Еголичев ўрнига Шаболин майдонга тушди.

• 80'
  

  Жароҳатланган Ерёменко ўрнига Логашов майдонга тушди.

• 80'
  

  Ерёменко тиббий ёрдам олди.

• 78'

  "Ростов" ҳимояга ётиб олмаяпти. Улар ҳамон ҳужум уюштирмоқда.

• 75'

  Емеляновнинг узоқ маасофадан берган зарбаси ўхшамади.

• 73'
  

  "Ростов"нинг бир бурчак зарбаси иккинчисига уланиб кетмоқда.

• 71'
  

  Смирнов эса Байрамян ўрнига майдонга тушди.

• 70'
  

  Шомуродов захирага олинди. Полоз майдонга тушмоқда.

• 70'

  Евсеев узоқ масофадан Песьяков дарвозасини нишонга олди. Бироз ноаниқ.

• 68'
  

  Глебов бурчакдан узатилган тўп ҳимоячилардан қайтгандан сўнг зарба берди. Тўп оёққа тушмади.

• 67'

  Шомуродов фаоллик эвазига жамоасига бурчак тўпи ишлаб берди.

• 63'

  Ионов чизиқ олдида тўпга етиб келди. Бир амаллаб узатилган тўп дарвозага кириб кетиши ҳам мумкин эди.

• 63'
  

  "Урал" таркибида Бавин ўрнига Евсеев майдонга тушди

• 62'

  "Ростов" энди шошилмайди. Тўп назоратини хотиржам амалга ошириш етарли.

• 59'
  

  ГООООООООООООООООЛЛЛЛЛЛЛ!!! Хасимото ҳисобни очди. Бурчак тўпи ростовликларга муваффақият келтирди.

• 59'

  Риков жарима майдонига узатилган тўпни қайтариб юборди.

• 56'

  "Ростов" орқа чизиқда янги ҳужум ҳозирламоқда.

• 54'

  Риковнинг жаримадан берган тўғридан-тўғри зарбаси ноаниқ кетди.

• 53'

  "Урал"да яхши стандарт вазият.

• 52'
  

  Кулаков сариқ карточка ишлаб олди.

• 51'

  "Ростов" рақиб ярим майдонида ўйин ўтказмоқда. Аммо бирорта ҳам ўйланган ҳужум йўқ. 

• 49'

  "Ростов" тўп назоратини қўлга олди.

• 47'
  

  Матиас Норманн ўрнига Кенто Хасимото майдонга тушди.

• 46'
  

  Норманн дарҳол майдонга ётди. У биринчи тайм якунида тиббий ёрдам олаётган эди. Ўйинни давом эттира олмайдиган кўринади.

• 46'
  

  Иккинчи тайм бошланди!

• 45'
  

  Танаффус.

• 45+'
  

  Биринчи бўлимга 1 дақиқа қўшиб берилди.

• 45'

  Песьяков жарима майдонига узатилган тўпни хотиржам ушлаб олди.

• 44'

  Ерёменконинг жаримадан йўллаган кучли зарбаси дарвоза устидан ўтиб кетди.

• 43'

  "Ростов" жарима майдони чизиғи ёнгинасидан жарима зарбаси амалга оширади.

• 42'

  Ерёменко узоқ масофадан дарвозага зарба бериб кўрди. Ноаниқ.

• 40'

  "Ростов" рақибининг ҳимоясига йўл ахтаришда давом этмоқда.

• 38'

  Ионов жарима майдони ичида йиқилиб, пенальти талаб қилмоқда. Ҳакам ҳеч нарса бўлмаганини айтмоқда.

• 36'
  

  Бурчакдан узатилган тўп яна "Урал" ҳимоячилари томонидан қайтарилди.

• 34'

  Ионов Байрамянга тўпни узатди. Ҳимоячилар яхши ўйнади.

• 32'

  Шомуродовнинг узатмаси ҳимоячилар томонидан зарарсизлантирилди.

• 30'
  

  Бурчакдан узатилган тўпга Ерёменко берган зарба ноаниқ кетди.

• 29'

  Золотов "Ростов"нинг навбатдаги ҳужумини қайтариб юборди. 

• 27'

  Ерёменконинг жарима майдони марказига узатган тўпини дарвозабон ушлаб олди.

• 25'

  Шомуродовдан яна бир яхши пас. Аммо Байрамян тўпга етиб кела олмади. Кейинги ҳаракат яқин масофадан зарбага айланиши мумкин эди.

• 24'
  

  Жароҳатланган Калинин ўрнига Золотов майдонга тушди.

• 23'

  "Урал" футболчиси майдонда оёғини ушлаб ётибди. Унга майдон ташқарисида тиббий ёрдам кўрсатилади.

• 21'
  

  Байрамяннинг узатмасидан сўнг Шомуродов яхши вазиятга чиқиб бориши мумкин эди. Офсайд белгиланди. Баҳслашиб кўрса бўлади.

• 20'

  Рафал узоқ масофадан зарба берди. Аммо унга Глебов ўз вақтида ҳалақит беришни уддалади.

• 19'

  Шомуродовнинг ажойиб узатмасидан сўнг Норманн дарвозага зарба йўллади. Тўп бироз ноаниқ кетди.

• 17'

  "Ростов" шошмасдан ҳужум шакллантирмоқда.

• 15'

  Норманн Шомуродовни олдинга бошлади. Аммо узатма жуда кучли.

• 14'
  

  Бурчакдан узатилган тўпга Чернов берган зарба кучсиз чиқди.

• 14'

  Шомуродовнинг тўпга охиригача бориши натижасида ростовликлар уни олиб қўйишди.

• 13'

  Ионовнинг узатмасини ҳимоячилар қайтаришди.

• 11'

  "Урал" тўп назоратини амалга оширмоқчи бўлмоқда.

• 10'

  "Урал"нинг дастлабки ҳужуми жарима майдони ичга ҳам кирмади.

• 8'

  Ионовнинг Шомуродов манзилига узатган тўпи ноаниқ бўлди.

• 7'

  Майдон марказида Шомуродовга нисбатан қоида бузилди.

• 5'

  Норманн дастлабки дақиқаларда чиройли ҳаракатлари билан ажралиб турибди.

• 3'

  Жамоалар бир-бирларини ўрганиб чиқишмоқда.

• 1'
  

  Ўиин бошланди! Олға, Элдор. Омад, Элдор!!!

• 0'

  Жамоалар майдонга тушиб келишмоқда. Бугун Шомуродовдан гол кутамиз. Элдор голсиз сериясига нуқта қўймаса бўлмайди.

• 0'

  Россия премьер лигаси 5-туридан ўрин олган "Ростов" - "Урал" учрашуви бошланиш арафасида. Шомуродов майдонда.

• 0'

  Ассалому алайкум, азиз футбол мухлислари.