Руни келажакда МЮ ёки "Эвертон"ни бошқармоқчи

Англиялик машҳур футболчи Уэйн Руни келажакда "Манчестер Юнайтед" ва "Эвертон" клубларига мураббийлик қилиш орзуси борлигини айтди. Бу ҳақда BBC хабар бермоқда.

Юқоридаги манбаага кўра 33 ёшли футболчи бошқа жамоасини ўзгартиришни режалаштирмаяпти ва шартномаси охиригача, яъни 2021 йилгача "Ди Си Юнайтед"да қолмоқчи.

“Фаолиятимни якунлагач дарҳол мураббий бўлмоқчиман. Қандай жамоада эканлиги муҳим эмас. Бироқ, бу “Эвертон” ёки МЮ бўлса ажойиб бўлар эди”, - дейди Руни.

Маълумот учун, Руни “Эвертон” сафида 2002-2004 ҳамда 2017-2018 йилларда тўп сурган. “Манчестер Юнайтед” либосида эса 2004-2017 йилларда ўйнаган.