Руни Клоппнинг ягона хатоси нималигини айтди

АҚШнинг "Ди Си Юнайтед" клуби форварди Уэйн Руни  "Ливерпуль" клуби бош мураббийи Юрген Клопп ҳақида гапириб ўтди.

“Клопп ҳар бир футболчи бирга ишлашни хоҳлайдиган мураббийлардан биридир. Ўйинчилар у билан ишлаб роҳатланишади. У билан гаплашганман, у ажойиб инсон.

Бироқ, унинг ягона хатоси бу – “Ливерпуль” билан ишлаётганидир. Мен Клоппни ва эришган ютуқларини ҳурмат қиламан. Нафақат “Ливерпул”даги, балки “Боруссия”даги ишларини ҳам. Унинг энг яхши йиллари ҳали олдинда”, - дейди англиялик футбол юлдузи.

Эслатиб ўтамиз, “Ливерпуль” ўтган мавсум Клопп қўл остида Чемпионлар лигасида ғолиб чиқди.