Руни: Тьяго Мессидан фойдалироқ

МЮ афсонаси Уэйн Руни АПЛга келиши кутилаётган футболчилар - Месси ҳамда Тьяго Алкантара ҳақида ўз фикрларини билдириб ўтди:

"МЮда яхши трансферлар амалга ошириш учун потенциал бор. "Челси" ҳам яхши харидлар қилди. Энди "Сити" ва "Ливерпуль" ҳам фаолликни ошириши керак. Менимча, Тьяго Алкантара трансфери мерсисайдликлар учун Мессининг "Ман Сити"га келишига қараганда фойдалироқ.

Лео ҳам қаримоқда, аммо бу унинг имкониялари пасайишидан дарак бермайди. У ҳамон голлар ура олади, вазиятлар яратади, мўъжизалар кўрсатишда давом этади. Мен Криштиану билан бирга ўйнаганман ва айтишим мумкин-ки, улар ҳали кўп нарсаларга қодир".