Руслан Нуруддинов жаҳон рекордини ўрнатди

Оғир атлетика бўйича 2016 йил Олимпиада чемпионлигини қўлга киритган Руслан Нуриддинов Тошкентда давом этаётган  Осиё чемпионатида ажойиб натижа қайд этди. 

Допинг билан боғлиқ муаммолар туфайли мусобақалардан маълум вақт четлатилган Нуриддинов дисквалификация муддати тугагач, илк мусобақасида чемпионлик билан бир қаторда жаҳон рекордини ҳам янгилади. Нуриддинов силтаб кўтариш баҳсларида ўзбек оғир атлетикасининг янги юлдузи сифатида эътироф этилаётган Акбар Жўраев билан муросасиз баҳс юритди ва якунда тажриба барибир ўз сўзини айтди.

Даст кўтаришда 188, силтаб кўтаришда 241 кг (жаҳон рекорди), жами 429 кг натижа қайд этган Нуриддинов чемпионликни қўлга киритди. Акбар Жўраев эса 194кг+234 кг жами 428 кг натижа кўрсатиб, иккинчи ўрин билан кифояланди.

Матнда хатолик топсангиз, ўша хатони белгилаб, бизга жўнатинг (Ctrl + Enter)