Рустамжон Ашурматов Жанубий Кореядаги чемпионликдан сўнг: Биринчи легионер сифатидаги иштироким омадли чиқди

Бир неча соат аввал Жанубий Кореянинг иккинчи двизиони вакили «Гвангжу» шарафини ҳимоя қилаётган Рустамжон Ашруматов муддатидан аввал чемпионликка эришгани борасида хабар бергандик.

Ҳамюртимиз тўп тепаётган жамоа иккинчи дивизионда муддатдан аввал чемпионликка эришди ва Кей-лига йўлланмасига эга бўлди.

Ушбу муваффақиятдан сўнг Рустамжон Ашурматов твиттердаги ўзининг саҳифасида қуйидагиларни ёзиб қолдирди:

- Худога шукур, биринчи легионер сифатидаги иштироким омадли чиқди. Мени қўллаганларнинг барчасига тазим қиламан ва терма жамоамизнинг ҳам ғалабаларига ўз ҳиссамни қўшаман, деган умиддаман. Шу қатори термамизга муносиб бўлиш учун жонимни бераман, - деди ҳимоячи.

Маълумот ўрнида, Рустамжон Ашурматов бу мавсум "Бунёдкор"дан Жанубий Корея қуйи лигасига келганди. Илк мавсумидаёқ ҳамюртимиз соврин соҳибига айланди.