"Рух" йирик ҳисобда ғалаба қозонди. Бобир Абдухолиқов кетма-кет иккинчи ўйинда гол киритди (видео)

Бугун Украина U21 Биринчилигида 21-тур ўйинлари бўлиб ўтмоқда. “Рух” жамоаси ўз майдонида “Минай” клубини қабул қилди. Львовликлар сафида ҳамюртимиз Бобир Абдухолиқов учрашувни асосий таркибда бошлади ва 76-дақиқага рақиб дарвозасини ишғол қилди.

Якунда эса мезбонлар 4:0 ҳисобидаги йирик ғалабани қўлга киритди. Шу тариқа, ҳамюртимиз "Рух"нинг ўринбосарлари жамоаси сафида кетма-кет иккинчи ўйинда гол киритди.