Рюдигер: "Манчестер Сити"га қарши ўйинни сабрсизлик билан кутяпман"

"Реал Мадрид" ҳимоячиси Антонио Рюдигер Чемпионлар лигаси 1/8 финал жавоб учрашувидан олдин ўз фикрлари билан ўртоқлашди. Мадридликлар илк баҳсда "Манчестер Сити" устидан 3:0 ҳисобида ғалаба қозонган.

"Мен кўплаб ўйинларда иштирок этдим ва “Реал” билан Чемпионлар лигасида ғолиб бўлдим. Айнан шундай паллалар учун меҳнат қиласиз. Биз “Манчестер Сити”га қарши кўп марта ўйнаганмиз. Бу Европадаги энг кучли жамоалардан бири, уларга қарши ўйнаш ҳақиқий завқ бағишлайди. Ушбу ўйинни сабрсизлик билан кутяпман", — деди Рюдигер.

Шунингдек, у Эрлинг Холандга қарши статистикаси ҳақида ҳам фикр билдирди.

"Мен бундай статистика ҳақида ўйламайман, бу мен учун катта аҳамиятга эга эмас — бу шунчаки рақамлар. У умумий гуруҳ босқичда мени мағлуб этган (10 декабрь куни Холанд пенальтидан ғалаба голини урганди — 2:1). Холанд каби футболчилар жуда кучли бўлади ва мен энг яхшиларига қарши ўйнашни ёқтираман. Жисмоний кураш менга жуда маъқул", — деди ҳимоячи.