Рюдигер миграция муаммоси ҳақида фикр билдирди

"Реал" ва Германия терма жамоаси ҳимоячиси Антонио Рюдигер Европадаги миграция муаммоси юзасидан ўз муносабатини билдирди.

Сьерра-Леонедан келган муҳожирлар оиласида вояга етган футболчига кўра, кўплаб инсонлар ўз юртларини мажбурият туфайли тарк этади.

"Одамлар ўз мамлакатларини мажбур бўлганлари учун тарк этади. Уларда бошқа танлов бўлмайди. Менинг ота-онам ҳам шундай қарор қабул қилишга мажбур бўлган ва ҳаётни нолдан бошлаган. Биз бу ҳолатларни ўз бошимиздан ўтказганмиз", — деди Рюдигер.

Маълумот учун, футболчининг ота-онаси ўз вақтида уруш қамраб олган Сьерра-Леонени тарк этган. Ҳозирда Рюдигер Мадриднинг "Реал" клуби сафида тўп сурмоқда.