Сакки - "Милан"нинг собиқ бош мураббийи: Анчелотти ким эканлигини биласизларми?

"Милан"нинг собиқ бош мураббийи Арриго Сакки Карло Анчелоттига нисбатан бўлаётган танқидларга муносабат билдирди. Эслатиб ўтамиз, "Реал" Чемпионлар лигаси чорак финалида "Арсенал"га икки учрашув натижасига кўра (0:3, 1:2) мағлуб бўлиб, мусобақани тарк этган эди.

"Бу одамлар Анчелотти ким эканини билишадими? У нима ютганини тушунишадими? Мен уни фақатгина совринлари учун эмас, балки инсон сифатидаги хислатлари учун ҳам ҳақиқий маэстро деб ҳисоблайман. Мадриднинг “Реал” клуби Карлетто каби шахс билан хайрлашишдан олдин икки ёки уч марта ўйлаб кўриши керак" – деди Сакки "La Gazzetta dello Sport" нашрига берган интервьюсида.

Унинг таъкидлашича, Анчелотти мавсум давомида кўплаб жароҳатларга дуч келган ва кўплаб учрашувларда ўз позициясидаги асосий ҳимоячиларсиз ҳаракат қилишга мажбур бўлган.

"Футболда бундай ҳолатлар бўлиши мумкин, лекин Карлони танқид қилиш менга оғриқ беради. Унинг жорий мавсумдаги таркибига қаранг — у кўп ўйинларда ўз позициясида тўғри ҳимоячига эга эмасди" — дея қўшимча қилди Сакки.