Саккизта жамоада ўйнаган футболчи олти йилга қамалди

Коке номи билан машҳур бўлган испаниялик собиқ футболчи Серхио Контрерас олти йил муддатга қамалди.

Ҳужум чизиғида ўйнаган Коке наркотрафик ташкил қилиш, уни бошқариш, хориж мамлакатларига гиёҳфанд моддалар жўнатишда айбдор, деб топилган ва озодликдан маҳрум қилинган.

Контрерас аслида “Малага” клуби тарбияланувчиси ҳисобланади. Фаолияти давомида Франциянинг “Марсель”, Португалиянинг “Спортинг”, Грециянинг “Арис”, Германиянинг "Ян Регенсбург” клубиларида легионер сифатида тўп тепган.

Ўз юртида “Малага”дан ташқари, “Райо Вальекано” ҳамда “Бака” жамоалари шарафини ҳимоя қилган.

Шунингдек, Коке уммонортига йўл олиб, “Динамо-Хьюстон” жамоаси сафида АҚШ чемпионатида ҳам ўйнаган.