Салах жорий мавсум 3-марта АПЛда ойнинг энг яхши футболчиси деб топилди
Бугун Англия премьер-лигасининг ўтган февраль ойидаги энг яхши футболчиси номи эълон қилинди.
Унга кўра ўтказилган сўровномада иштирок этганларнинг 37 фоизи “Ливерпуль” форварли Муҳаммад Салахга ўз овозини беришган. Шу тариқа мисрлик футболчи АПЛнинг ўтган ойдаги энг яхши футболчиси деб топилди. Таъкидлаш керакки, Салах ўтган ой 3та баҳсда иштирок этиб, рақиблари дарвозасига 4та гол киритишга эришган эди.
Эътиборлиси, сўровномада Салахдан кейинги иккинчи ўринни мерсисайдликларнинг бошқа бир аъзоси – Фирминьо эгаллади. Бразилиялик футболчи мухлисларнинг 19 % овозига сазовор бўлди.
Эслатиб ўтамиз, Салах жорий мавсум 3-марта АПЛда ойнинг энг яхши футболчи деб топилди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар