Салбий натижа қайд этаётган "Машъал"нинг умумий статистикаси қандай кўринишда?

Суперлигада иштирок этиб келаётган Муборакнинг "Машъал" клуби ҳозирча мухлисларини хурсанд қила олмаяпти. Клуб ортда қолган 4 та турнинг барчасида мағлубиятга учради ва ҳали рақиб дарвозасига гол ҳам ургани йўқ. Жамоани эса олдинда сафарда "Навбаҳор"га қарши яна бир мураккаб баҳс кутиб турибди. 

Мана шундай қийин ўйин олдидан клуб матбуот хизмати "Машъал"нинг Ўзбекистон чемпионатидаги статистик рақамлирини тақдим қилди.

1992 йилда дастлаб иккинчи лигада иштирокини бошлаган; 
1993 йилда биринчи лигада иштирок этган. 
1995 йилда илк бор олий лигада қатнашган. 

Ўз тарихида илк бор Осий чемпионлар лигасида 2006 йилда ўйнаган; 

Машъал жамоаси расмий учрашувлардаги ўйинлари: 

Иккинчи лига: 5 та учрашув
Биринчи лига (про-лига): 412 та учрашув
Олий лига (Супер лига): 572 та учрашув
Осиё чемпионлар лигаси: 6 та учрашув
Ўзбекистон Кубоги: 125 та учрашув

Жами: 1120 расмий учрашув.

Натижалар ва рекордлар
Ғалабалар: 527
Дуранглар: 200
Мағлубиятлар: 393
Урилган голлар: 1757
Ўтказилган голлар: 1435

Кубок учрашувлари ташқари жамғарилган очколар сони: 1548

Бу рақамлар "Машъал"нинг қанчалик барқарор ва кучли клуб эканини кўрсатади. Ҳар бир учрашув, ҳар бир гол ва ғалаба клуб тарихининг муҳим бўлагига айланиб, мухлислар қалбини юритиб келмоқда.

Бироқ муборакликларнинг охирги йиллардаги натижалари салбий кўриниш олаётгани мухлисларини хавотирга солаётган бўлса ажаб эмас. Жамоа вазиятни ўнгламаса бўлмайди.