Салиба келажаги бўйича қарор қабул қилди

Лондоннинг "Арсенал" клуби марказий ҳимоячиси Вильям Салиба жамоа билан янги шартнома шартларини келишиб олди. Бу ҳақда "The Athletic" нашри хабар берди.

Манбанинг маълум қилишича, 24 ёшли француз ҳимоячиси яқин кунларда узоқ муддатли битимга имзо қўяди.

Эслатиб ўтамиз, ҳозирги шартнома 2027 йил 30 июнига қадар амал қилади. Жорий йил ёз ойларида Салибага "Реал Мадрид" жамоаси қизиқиш билдирганди. Бироқ, футболчининг ўзи Лондонда қолишни афзал кўришини айтган.