Saliba kelajagi bo‘yicha qaror qabul qildi

Londonning "Arsenal" klubi markaziy himoyachisi Vilyam Saliba jamoa bilan yangi shartnoma shartlarini kelishib oldi. Bu haqda "The Athletic" nashri xabar berdi.

Manbaning ma’lum qilishicha, 24 yoshli frantsuz himoyachisi yaqin kunlarda uzoq muddatli bitimga imzo qo‘yadi.

Eslatib o‘tamiz, hozirgi shartnoma 2027 yil 30 iyuniga qadar amal qiladi. Joriy yil yoz oylarida Salibaga "Real Madrid" jamoasi qiziqish bildirgandi. Biroq, futbolchining o‘zi Londonda qolishni afzal ko‘rishini aytgan.