Салоҳ: "Ливерпуль" билан шартномани узайтираман деб ўйламаган эдим"

"Ливерпуль"нинг юлдузи ҳисобланган Муҳаммад Салоҳ жамоа билан янги шартнома имзолашни умид қилмагани ҳақида батафсил гапирди:

"Клуб тарихига қарасак, шартнома узайтириш эҳтимоли 10 фоиз эди. Бу – "Ливерпуль"нинг фалсафаси. Улар олдин ҳам 30 ёшдан ошган футболчиларга бундай ёндашганини биламан. Шунинг учун қолишимни кутмаганман. Бу ерда ёмон нарса йўқ. Клуб олдин ҳам шундай вазиятларни қандай ҳал қилганини кўрганмиз.

Музокаралар жуда тез кетди, январдан буён ҳаммасини яхши ҳис қилдим. Бу бироз вақт олди. Менимча, клуб мени синаб кўрди — ҳали ҳам фойда келтира оламанми, деб. Мен кўпроқ нарса талаб қилмадим, фақат яна икки йил қолишни хоҳладим" – дея ўз фикрлари билан ўртоқлаши мерсесайдликлар еткачиси. 
 
Эслатиб ўтамиз, 32 ёшли ҳужумчи жорий йилнинг 11 апрель куни 2027 йилгача бўлган шартномага имзо чеккан эди.