Салоҳ: "Мане билан муносабатларимизда муросалар бўлган, аммо ҳар доим профессионал қолдик"

"Ливерпуль" ҳужумчиси Муҳаммад Салоҳ Садио Мане билан муносабатлари ҳақидаги миш-мишларга ойдинлик киритди. Уларнинг ўзаро рақобати жамоа ичидаги можароларга сабаб бўлгани ҳақидаги гапларга у қуйидагича жавоб берди:

— Ҳа, мен билан Садио орасида таранглик бор эди. Лекин, шуни таъкидлашни истайманки, биз охиригача профессионал бўлиб қолдик. Менимча, бу жамоага таъсир қилмади. Каттароқ натижаларни хоҳлаш — бу табиий. У жангчи.

Майдон ташқарисида у билан жуда яқин дўст эмасдик, лекин ҳар доим бир-биримизга ҳурмат билан муносабатда бўлдик. Менга фарқи йўқ, одамлар истаганини ўйлаши мумкин.

Бироқ, мен шунга эътибор беришларини хоҳлардим: айнан мен Садиога энг кўп голли пас берганман. Фактлар бор, лекин одамлар гўзал сарлавҳаларни ёқтиради. Мен бу тизим қандай ишлашини яхши биламан.

Ҳамма нарса ҳурмат доирасида қолса — мен розиман. Лекин бу гаплар ҳақиқат дегани эмас. Охир-оқибат, мен ўз қилган ишимни биламан. Виждоним тиниқ, — дея таъриф бериб ўтди мисрлик юлдуз.