Салоҳ "Реал" ёки "Барселона"га ўтишини инкор этмади

"Ливерпуль" ҳужумчиси Муҳаммад Салоҳ "Реал" ёки "Барселона"га ўтиши ҳақидаги саволга жавоб берди.

"Реал" ва "Барса" топ клублар. Ҳозир "Ливерпуль" сафида АПЛ ва Чемпионлар лигаси ғалаба қозониш ҳақида ўйлаяпман, аммо келажакда нима бўлишини ҳеч ким билмайди.

"Ливерпуль"да яна қанча бўламан? Бу қийин савол. Мен клуб сафида барча рекордларни янгиламоқчиман, бироқ трансфер масаласида барчаси клубнинг ихтиёрида", - As нашри Салоҳ сўзларидан иқтибос келтирмоқда.

2020/21 мавсумда Салоҳ "Ливерпуль" сафида 20 та ўйинда 14 та гол киритиб, 3 та голли узатма берди. Унинг трансфери 120 миллион еврога баҳоланмоқда.