Салоҳ: "Ушбу совринни ҳалқим учун қўлга киритишни истайман"

Муҳаммад Салоҳ Миср халқи учун "Олтин тўп"ни қўлга киритишни хоҳлашини маълум қилди.

- Сизнингча, "Олтин тўп" учун курашда Чемпионлар Лигасидаги муваффақиятсизлик рол ўйнайдими?

- Бу менинг ихтиёримда эмас, лекин бир кун келиб халқим учун "Олтин тўп"ни қўлга киритишни истаётганим аниқ. Миср қишлоғидан бўлсангиз, болаликда "Олтин тўп" ҳақида орзу қилиш қийин. "Ливерпуль"га ўтганимда, эҳтимол бир кун келиб бу амалга ошар, деб ўйлай бошладим. Лекин уни қўлга киритмасам ҳам, фаолиятим барибир муваффақиятли бўлади.

Мен атиги 32 ёшдаман, сўнгги йилларда бир нечта ғолиблар ўттиз ёшлардан ошганди. Демак, ким билади? Бундан ташқари, кейинги мавсум жуда қизиқарли бўлиши кутилмоқда: "Ливерпуль" билан чемпионлик унвонимизни ҳимоя қиламиз ва Чемпионлар Лигасида, Миср билан эса Африка Кубогида ва умид қиламанки, жаҳон чемпионатида иштирок этамиз. Менинг интилишларим сизга маълум.

- Қанақа интилишлар?

- Юқорида айтиб ўтган барча совринларни ютиш, - дея кулиб жавоб берди "Ливерпуль" ва Миср терма жамоаси қанот ҳужумчиси.