Салоҳга ўринбосар яқин ҳудуддан топилди

Англиянинг амалдаги чемпиони “Ливерпуль” жорий мавсум охирида клубни тарк этадиган Муҳаммад Салоҳ ўрнини босиш учун бир неча тўпурарлар номзодини кўриб чиқмоқда.

Хусусан, мерсисайдликлар Франциянинг энг қудратли клуби “Пари Сен-Жермен”га тегишли бўлган Рандаль Коло Муанини кузатяпти.

Париж жамоасини Луис Энрике қабул қилиб олганидан кейин Муанининг асосий таркибга кириши қийинлашиб қолди. Шундан сўнг, ҳужумчи ижара асосида “Тоттенхэм”га ўтди.

“Ливерпуль” франциялик ҳужумкор футболчи учун курашда таркибини кучайтиришга эътибор қаратаётган “Ювентус” билан рақобатлашишига тўғри келади. Турин суперклуби ҳам Рандални ёзда харид қилишга тайёргарлик кўрмоқда. 

27 ёшли ўйинчининг ёздаги трансфер қиймати тахминан 35 миллион евро бўлиши кутилмоқда ва бу сумма туринликларни қониқтиради. “Ювентус” ҳужумчига йилига 7 миллион евро маош тўлашга тайёр. “Ливерпуль”нинг қизиқиши туфайли италиялик клуб трансферни тезлаштириши мумкин.

Жорий мавсумда Коло Муани барча мусобақаларда 36 та ўйинда қатнашиб, 5 та гол ва 4 та голли узатма амалга оширган. Унинг ПСЖ билан шартномаси 2028 йил ёзига қадар амал қилади. Transfermarkt маълумотига кўра, футболчининг бозор қиймати 22 миллион еврони ташкил этади.