Самарқандда ММА бўйича кичик ўсмир ва ёшлар ўртасида Ўзбекистон чемпионати якунига етди

Куни кеча Самарқанд шаҳрида ММА бўйича кичик ўсмир ва ёшлар ўртасида Ўзбекистон чемпионати ўз якунига етди.
U 12-13, U 14-15, U 16-17 ёш тоифасида ўтказилаётган мамлакат биринчилиги жуда қизиқарли ва кескин курашларга бой тарзда кечди. 
Умумий олиб қараганда рақобат жуда жиддий бўлди. Ҳар бир вилоятда ҳаваскор ММА жиддий ривожланиб бораётганлиги ушбу чемпионатда намоён бўлди.

Ўзбекистон ММА ассоциацияси ҳамда Самарқанд вилоят бўлими томонидан ташкилотчилик ҳам аъло даражада бўлди, десак янглишмаган бўламиз. 
Якунда энг кўп иштирокчи билан қатнашган андижонлик ёш спортчилар 7 та олтин, 3 та кумуш ва 8 та бронза медали билан етакчи бўлишди.