Самир Насри: "Моуриньо бундай гапиришга ҳақли эмас"

Самир Насри "Реал Мадрид" қанот ҳужумчиси Винисиус Жуниорни қўллаб-қувватлаб, "Бенфика" бош мураббийи Жозе Моуриньони танқид қилди.

Чемпионлар лигаси ўйинида (1:0) Винисиус 50-дақиқада голини нишонлагани учун сариқ карточка олди. У бурчак байроғи билан рақси орқали голни нишонлади ва Жанлука Престианни билан можарога киришди. Бразилиялик футболчи рақиби уни ирқий ҳақорат қилганини маълум қилди. Учрашув ирқчиликка қарши протокол асосида вақтинча тўхтатилди. Моуриньо эса ўйиндан кейин: "Қаерда ўйнамасин, у билан доим нимадир содир бўлади", дея фикр билдирди.

Насри бу гапларга жавоб қайтарди:

– Футболчини 90 дақиқа давомида ҳуштакбозлик билан қарши олишади, у эса гол уришни истайди... Шундан кейин Моуриньо шундай гап айтади.

У 2010 йилда "Интер" билан "Барселона"ни енгганида бутун стадион бўйлаб айланиб чиққан эди. "Манчестер Юнайтед"да эса 20 метрга тиззаси билан сирпаниб, гўёки Тьерри Анридек нишонлаган. У бундай гапиришга ҳақли эмас, – деди франциялик мутахассис.