"Сампдория" 37 ёшли ҳужумчисини "Ювентус"га 1 миллионга сотмоқчи

"Ювентус" ўз сафига "Сампдория" ҳужумчиси Фабио Квальяреллани қўшиб олмоқчи.

Calciomercato нашри тарқатган хабарга кўра, "Сампдория" 37 ёшли футболчисини 1 миллион еврога баҳоламоқда. “Кекса синьора” эса 500 минг евро бермоқчи.

Бундан ташқари, Квальярелла “Юве”дан 1,5 йиллик шартнома сўрамоқда. Туринликлар унга фақат ярим мавсумли шартнома таклиф қилмоқда.

Квальярелла жорий мавсум А Серияда 14 та ўйинда майдонга тушди ва 7 та гол урди.