Samvel Babayan: Biz muxlislar qarshisida to‘p tepish tajribasiga egamiz

Xabaringiz bor, ertaga Osiyo Chempionlar ligasi nimchorak final javob o‘yini doirasida "Navbahor" Saudiya Arabistonining “Al-Ittihod” (Jidda) klubi mehmoni bo‘ladi.

Mazkur uchrashuv oldidan "lochinlar" bosh murabbiyi Samvel Babayan matbuot anjumanida ishtirok etib, OAV xodimlarining savollariga javob berdi. Marhamat, uning fikrlari bilan tanishib chiqishingiz mumkin: 

- Ertangi o‘yin juda qiyin kechadi. Biz yulduzli tarkibga ega bo‘lgan “Al-Ittihod”ga qarshi  maydonga tushamiz, ammo natijani oldindan aytib bo‘lmaydi. Biz uchrashuvga yaxshi tayyorgarlik ko‘rdik. O‘ylaymanki, shogirdlarim bo‘lajak bahsda borini beradi. 

Biz muxlislar qarshisida to‘p tepish tajribasiga egamiz. Avvalroq “Al- Hilol” maydonida durang o‘ynagandik. Ertaga “Al-Ittihod” ko‘proq bosimga duch keladi, chunki jamoa o‘z muxlislari qarshisida to‘p tepadi.

Ertangi o‘yin uchun tanlagan uslubimizni oshkor qilmayman. Bizning yondashuvimiz qanday bo‘lishi va qanday o‘yin namoyish etishimizni bo‘lajak bahsda ko‘rasizlar. Maydonda 11 nafar futbolchiga 11 nafar  o‘yinchi saf tortadi. Benzema ajoyib futbolchi, lekin biz hech kimdan qo‘rqmaymiz, - dedi Samvel Babayan.