Sancho APLga o‘tishga tayyor

Dortmundning "Borussiya" klubi yarim himoyachisi Jeydon Sancho o‘z faoliyatini "Manchester Yunayted"da davom ettirishga tayyor.

The Athletic nashrining xabar berishicha, Sancho "Manchester Siti" akademiyasida faoliyat yuritgani sababli Manchester shahrida tanishlarga ega. Shu qatori, Sancho MYu a’zosi Markus Reshford bilan do‘st ekanligi hammaga ma’lum. Bir necha vaqt oldin Reshforfd 20 yoshli xavbek bilan bir jamoada to‘p surishni xohlaganini aytib o‘tgandi.

Ma’lumot uchun, Sancho joriy mavsumda 23 uchrshuvda ishtirok etib 14 marta raqiblar darvozasini ishg‘ol etib, 15 golga assistentlik qilishga muvaffaq bo‘lgan.

Avvalgi tarqalgan xabarlarga ko‘ra, dortmundliklar Sanchoning narxini 110 million evroga baholashgan.