Санчо Бундеслигага қайтиши мумкин

Ҳозирда "Челси" сафида ижара асосида тўп сураётдан МЮ футболчиси жейдон Санчо Германия чемпионатига қайтиши мумкин.  

Яқинда "Челси" 25 ёшли футболчини мажбурий сотиб олиш фикридан воз кечмоқчи экани ҳақида хабарлар пайдо бўлди. Бунинг учун "кўклар" "Манчестер Юнайтед"га деярли 6 миллион евро миқдорида тўлаши керак бўлади. The Sun Football нашрининг маълумотига кўра, агар "Челси" Санчо трансферидан воз кечса, Леверкузеннинг "Байер" клуби вингерни ўз сафига қўшиб олишга уриниб кўради.

Англиялик футболчи жорий мавсумда Энцо Мареска жамоаси сафида 39 та ўйинда майдонга тушиб, 4 та гол ва 10 та ассист қайд этди. Transfermarkt портали унинг бозор қийматини 30 миллион еврога баҳоламоқда.