Санчо яна бир бор Бундеслига тарихига ўз исмини ёздириб қўйди

"Боруссия" Дортмунд ярим ҳимоячиси Жейдон Санчо Бундеслига тарихида 50 та ассист амалга оширган энг ёш футболчига айланди. Бу ҳақда Goal нашри хабар бермоқда.

Юқоридаги манбага кўра, 20 ёшли англиялик футболчи ушбу натижага эришиши учун Бундеслигада 99 та ўйинда иштирок этди.

Айтиш керакки, Санчо бундан аввал Бундеслигада 35 та гол урган энг ёш футболчи сифатида қайд этилган эди. У жорий мавсум “Боруссия” Дортмунд сафида жами 30 та ўйинда иштирок этди ва 11 та гол ҳамда 16 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)