Санчонинг биргина суперголи "Боруссия"ни ярим финалга олиб чиқди!

Германия Кубоги чорак финалидан ўрин олган "Боруссия М" - "Боруссия" Дортмунд баҳси ўз ниҳоясига етди. Учрашув дортмундликларнинг минимал - 0:1 ҳисобидаги ғалабаси билан якунланди.

Учрашув тақдирини ҳал қилган голга Жейдон Санчо муаллифлик қилди. Тан олиш керак, унинг тўсинга теккизиб урган ажойиб голи анчагина чиройли чиққан эди. Шу тариқа, Дортмунд клуби турнирнинг ярим финал босқичига йўл олди. Иккинчи ярим финалчи номи эса эртага маълум бўлади.

• 90+7'
  

  Учрашув якунланди! "Боруссия" Дортмунд Санчонинг ягона суперголи эвазига ярим финалга йўл олди. Матнли трансляцияни Абдулла Маннонов олиб борди. Эътиборингиз учун раҳмат!

• 90+6'
  

  Бурчак тўпи бу сафар дортмундликлар томонидан ижро этилади.

• 90+5'
  

  ЯЯна бир бор бу иш амалга ошириладиган бўлди, ҳимоячилар фаол.

• 90+4'
  

  Гладбахликлар бурчакдан тўпни ўйинга киритиб беради.

• 90+3'
  

  Махмуд Даҳуд ҳам сариқ карточка олди, бу у учун учрашувдаги 2-си эди, ва у майдондан четлатилади.

• 90+2'
  

  Рами Бенсебаини жанжал ва қўполлиги учун сариқ карточка билан огоҳлантирилди.

• 90+1'
  

  Беллингхэм ўрнига Дан Аксель-Загаду ўйинга қўшилди.

• 90+'
  

  Ўйинга 5 дақиқа вақт қўшиб берилди.

• 88'

  "Боруссия М" футболчилари позицион ҳужумда фаол.

• 83'
  

  Ройс бурчакдан тўпни ҳаволатиб жарима майдони ичига етказиб берди, хавфли вазият бўлиши мумкин.

• 82'
  

  "Боруссия М" бурчак тўпидан сўнг хавфли вазият юзага келтира олмади.

• 77'
  

  Яна 2 ўзгариш: Штиндль ва Крамер ўрнига Вольф ҳамда Закария ўйинга қўшилади.

• 77'
  

  Ўзгариш: Маркус Тюрам ўрнига Бреел Эмболо ўйинга қўшиладиган бўлди.

• 76'

  Хуммелснинг 11 метрлик нуқта устидан боши билан берган зарбасига аниқлик етишмади.

• 74'
  

  Бурчакдан тўпни Марко Ройс ўйинга киритиб беради.

• 69'
  

  Мезбонларда ҳам ўзгариш: Йонас Хофманн ўрнига Валентино Лазаро ўйинга қўшилди.

• 68'
  

  Жейдон Санчо гол уриши билан захирага олинди, ўрнига Торган Азар ўйинга қўшилди.

• 67'
  

  ГООООООООООООООООЛЛЛ!!! Қандай чиройли гол! Санчо тўпни қанотда қабул қилиб олди ва айланма зарбани ишга солиб, устунга теккизиб дарвоза тўрига жойлаб қўйди! Бу энди аниқ гол! 0-1!

• 66'
  

  Йонас Хофманн бурчакдан тўпни ўйинга киритиб беради.

• 64'

  Санчо хавфли узатма амалга ошириши мумкин эди, бироқ рақиб футболчиси тўп йўлига оёғини қўйиб қолди.

• 62'

  Алессан Плеа қўпол ўйнаб, ҳужумни тўхтатиб қўйди.

• 60'
  

  Ҳимоячиларнинг фаоллиги туфайли Хофман яна бир бор бурчакдан тўпни ўйинга киритади.

• 58'
  

  Йонас Хофманн бурчакдан тўпни ўйинга киритиб беради.

• 55'
  

  Бу вазиятда фол бўлган экан. Шу сабабли ВАР голни инобатга олмади.

• 54'

  Гол инобатга олинмаслиги мумкин! Бош ҳакам ВАРга мурожаат қилади.

• 53'
  

  ГОООООООООООООООООЛЛЛ!!! Холанд жарима майдончаси ичига тезкорлик билан ёриб кирди ва дарвоза марказига тўпни жойлаб қўйди! 0-1!

• 52'

  Тюрам ҳужумда фол қайд этди.

• 50'
  

  Марко Ройс ҳакамга қаршилик қилиб, эътироз билдиргани ва қўполлашгани учун сариқ карточка билан огоҳлантирилди.

• 48'

  Холанд жарима майдончаси ичига тўпни етказиб берди, бироқ ҳимоячилар тўпни узоқлаштиришга муваффақ бўлди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди.

• 45+1'
  

  Маркус Тюрамнинг голи офсайд сабабли инобаттга олинмади.

• 45+'
  

  1 дақиқа вақт қўшиб берилди.

• 45'
  

  Бурчакдан тўпни мюнхенгладбахликлар ўйинга киритади.

• 44'

  Нойхаус жарима майдончаси ичига тўпни узатди, тўп бурчакка чиқарилди.

• 41'

  Кристоф Крамер ўйин қоидасини бузди. Йиқитилган рақиб жароҳат олган бўлиши мумкин.

• 40'

  Штефан Лайнер кераксиз жойда фол қайд этди.

• 39'

  Маҳмуд Даҳуд рақибининг футболкасидан тортиб қолди, буни илғаган ҳакам фол қайд этди.

• 36'

  Эрлинг Браут Холанд жарима майдончаси ичига ёриб кирди ва дарвозага кучли зарба берди, ўнг томонга йўналтирилган бу зарба дарвозанинг юқорисидан ўтиб кетди.

• 34'
  

  "Боруссия" Дортмунд бурчак тўпидан хавфли вазият юзага келтира олмади.

• 32'

  Ларс Штиндль ажойиб вазиятни қўлдан бой берди, зарбага бироз куч етишмади.

• 30'

  "Боруссия Мёнхенгладбах" аъзолари жарима зарбасини ижро этишади.

• 29'
  

  Маҳмуд Даҳуд қўполлиги учун сариқ карточка билан огоҳлантирилди.

• 27'

  "Боруссия Мёнхенгладбах" аъзоси Нико Эльведи бу вазиятда ҳақ эмас. У қоидага зид ўйнади.

• 24'

  Яна бир қўпол ўйин. Ларс Штиндлнинг бу ҳаракати учун ҳакам ўйинни тўхтатишга мажбур бўлди.

• 21'

  Рами Бенсебаини ўйин қоидасини бузди. Ҳакам уни оғзаки огоҳлантирди.

• 17'

  Тюрамнинг зарбаси дарвоза тўққизлигидан жой олиши мумкин эди, бироқ кучли зарбага аниқлик етишмади.

• 16'

  "Боруссия М" аъзолари тўпни бир-бирига аниқ узатмалар амалга оширган ҳолда ўзида ушлаб турибди.

• 11'

  Хофманнинг пасини қанотда қабул қилиб олган Санчо жарима майдончаси ичига тўпни узатди, бироқ ҳимоячилар фаоллик қилишди.

• 10'
  

  Ларс Штиндльнинг зарбасини дарвозабон қийинчилик билан бартараф этди! Ажойиб сейв.

• 8'

  Нико Шулц ўйин қоидасини бузди.

• 9'

  Санчо тўпни жарима майдончаси ичига ҳаволатиб етказди, ҳимоячининг хатосидан сўнг Ройс дарвозага зарба берди. Бироқ тўп анча юқорилаб кетди.

• 7'
  

  Йонас Хофманн офсайдда қолиб кетди.

• 5'
  

  Учрашувда мажбурий ўзгариш: Рафаэль Геррейро жароҳат олди ва майдонни тарк этди, унинг ўрнига Нико Шулц ўйинга қўшилди.

• 2'

  Хофмандан пасни қабул қилиб олган Тюрам дарвозага тўпни йўналтирди, бироқ зарбага бироз аниқлик етишмади.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Кубок баҳслари ўзгача тусда.

• 0'

  Ассалому алайкум, қадрли футбол ихлосмандлари! Германия Кубоги чорак финалидан ўрин олган "Боруссия М" - "Боруссия" Дортмунд баҳсига хуш келибсиз. Ўйинни сайтимиз орқали матнли кўринишда кузатинг, трансляцияда сиз билан Абдулла Маннонов бирга бўлади.