Сантуш: "Мухлисларимизга улар кутган мукаммал ўйинни мана энди тақдим қилдик"

Португалия терма жамоаси бош мураббийи Фернанду Сантуш Швейцария билан баҳсни (6:1) сарҳисоб қилди.

"Мухлисларимизга улар кутган мукаммал ўйинни мана энди тақдим қилдик. Бироз кечроқ, аммо ёқимли натижага эришдик. Футболчилар ўз ишларига чуқур масъулият билан ёндашишди, ўйин давомида консентрацияни деярли йўқотмадик. Биз ажойиб ўйин ўтказдик.

Португалия Швейцария тактикасига қандай қарши чиқиш кераклигини жуда яхши биларди. Биз тўпга кутилганидан кўпроқ эгалик қилдик, уни рақибдан тезда қайтариб олиш муаммо бўлмади, уларга эркин зона қолдирмай, уюшқоқлик билан ҳаракат қилдик.

Битта гол ўтказиб юборганимиз бироз ачинарли бўлди, лекин ҳаммаси жойида, курашувчанликни йўқотмаймиз", - дейди Сантуш.