Satpaev Alonso ni qiyin vaziyatga solib qo‘ydi

«Chelsi» haqidagi yangilik va tahliliy materiallar chop etib boradigan Benlox portali londonliklar safida debut golini urganiidan so‘ng Qozog‘iston terma jamoasi forvardi Dastan Satpaevning kelajagi borasida munosabat bildirdi.

- «Chelsi» hujumchilari atrofidagi vaziyat yanada qiziq tus oldi...

Agar Xabi Alonso chindan ham Dastan Satpaevni asosiy jamoada qoldirishni istasa, bu hujum chizig‘idagi kuchlar nisbati tubdan o‘zgartirishi mumkin.

Xabining unga yuqori baho bergani men uchun ajablanarli emas. Satpaev  «Qayrat» tarkibida o‘ynagan davridanoq alohida iqtidot sifatida ko‘zga tashlangan, Xabi esa, ehtimol, «Real Madrid» bilan «Qayrat» Chempionlar ligasida to‘qnash kelgan paytlarda uning o‘yini ni shaxsan kuzatgan...

Eng qiziqi esa hali oldinda... Agar Joao Pedro jamoada qolsa, «Chelsi» Uelbek bo‘yicha kelishuvni yakunlasa va Satpaevni ijara ga bermasdan tarkibda saqlab qolsa, u holda Emega bilan nima bo‘ladi? Delapchi? Jeksonchi?

Hammaning birdek maydonga tushishi amri mahol... Bu mavsum boshlanishidan ancha oldinoq Xabi Alonso uchun tarkib tanlashdagi eng katta muammolardan biriga aylanishi mumkin.

Agar Satpaev qoladigan bo‘lsa, qaysi hujumchi zahirada qoladi? — deya savol qo‘yadi nashr.

Eslatib o‘tamiz, Dastan Satpaev «Chelsi»ning Avstraliya klubi «Western Sidney Uonderers»ga qarshi o‘rtoqlik uchrashuvida (6:4) gol urgan edi. 

«Chelsi» futbolchilarining navbatdagi nazorat uchrashuvi 1 avgust kuni «Tottenxem»ga qarshi o‘tkaziladi.