Саудия чемпионатига яна бир жаҳон чемпиони келмоқда!

Аргентина терма жамоаси ва Мадриднинг “Атлетико” клуби марказий ярим ҳимоячиси Родриго де Пауль фаолиятини Саудия Арабистони чемпионатида давом эттириши мумкин. Бу ҳақда Todofichajes портали хабар тарқатмоқда.

Манбанинг ёзишича, 30 ёшли футболчига Жидданинг “Ал-Аҳли” клуби қизиқиш билдирмоқда. Родригонинг трансфер нархи эса 30 миллион еврога баҳоланмоқда. Аргентиналик футболчининг мадридликлар билан тузилган меҳнат шартномаси 2026 йилнинг ёзида якунига етади.

Де Пауль "Атлетико" шарафини 2021 йилдан бери ҳимоя қилиб келмоқда. У жорий мавсум Испания чемпионатида 8 та ўйинда майдонга тушиб, битта голли узатмани амалга оширди.