Саудия Кўрфаз кубогида қатнашиб янада кучаяди. Биздачи? Терма жамоамиз яқин вақт ичида ниманинг эвазига ўсишга эришади?
Кеча Қатар футболида фаолият юритаётган ҳамюртимиз Алишер Никимбаев Ўзбекистон миллий терма жамоасининг Саудия Арабистонига қарши учрашуви олдидан SPORTS.uz сайтига интервью бериб, вакилларимиз ғалаба қозонишларини айтиб ўтганди. Аммо терма жамоамиз аламли мағлубиятга учради.
Алишер Никимбаев: Саудия Арабистони унчалик кучли эмас, Ўзбекистон бу ўйинни ютиши керак
Тахминлар ўзини оқламагач Никимбаев телеграмдаги саҳифасида қуйидаги фикрларни ёзиб қолдирди. Гаплари давомида мутахассис терма жамоамиз кейинги босқичга ўтишига ишонишини айтиб ўтар экан, гуруҳдаги асосий рақобатчимиз Кўрфаз кубогида қатнашиб, ўйинини кучайтириб боришини, вакилларимиз ниманинг эвазига ўсишга эришмоқчи эканлиги борасида футболимиз мутасаддиларига савол билан мурожаат қилди.
- Умид қиламизки, мураббийлар штаби Саудия Арабистонидан учралган мағлубиятдан тўғри хулоса чиқариб, сабабларини топиб кейинги йил март ойида бўладиган ўйинларга керакли ўзгартиришлар киритишади.
Терма жамоамизнинг кейинги босқичга ўтишига шубҳа қилмайман. Айни пайтда терма жамоамизда 6 очко мавжуд. Энди вакилларимиз навбатдаги учрашувларда ғалаба қозонишлари керак ва шунда иккинчи ўринни эгаллаган энг яхши 4 жамоа сафида бўлиши мумкин. Терма жамоамиз ишни тўғри йўлга қўйса, Саудия Арабистонини таслим этиб, бу квартетда биринчи ўринни эгалласа бўлади.
Алишер Никимбаев: Футболчилар ҳиссиётга берилди? Унда Абрамов 12 кун машғулотларда нима қилди?
Аммо кейинчи? Учинчи босқичга Фаластин, Яман ва Сингапур чиқмаслиги аниқ. Ҳозирги Саудия Арабистонининг ўйини кучайишда давом этади. Янги мураббий жамоани яхшироқ билиб олади, ёшлар тажрибага эга бўлади: бир ҳафта ўтгач саудияликлар Кўрфаз кубогида иштирок этишади ва улар бу мусобақада ашаддий рақибларига қарши 3 та ўйин ўтказишади, бу Ренар ва унинг шогирдларига фойда келтиради.
Биздачи? Терма жамоамиз яқин вақт ичида ниманинг эвазига кучаяди?, - дея изоҳ қолдирди Алишер Никимбаев.
Фикрлар