Саудияликлар “Ливерпуль”нинг яна уч ўйинчисини олиб кетмоқчи

Саудия Арабистони клублари Европанинг машҳур футболчиларини профессионал лигага таклиф этиш ҳаракатларини давом эттирмоқда.

Шайхларга кўпроқ “Ливерпуль” юлдузлари маъқул келяпти. “Ал-Иттиҳод” ўтган ёзда Муҳаммад Салоҳ учун таклифини 215 миллион фунтгача кўтарган эди. Бу жамоа машҳур тўпурарни олиш ҳаракатларини келаси ёзда ҳам тўхтатмаслиги айтилмоқда.

Бундан ташқари, Саудия Арабистони профессионал лигаси клублари Европадаги футболчилар “ови”ни давом эттирмоқда.

Caught Offside нашрининг хабарига кўра, Стивен Жеррард бош мураббийлик қилаётган “Ал-Иттифоқ” Юрген Клоппнинг икки шогирдини трансфер қилмоқчи. Жеррард собиқ клубидан Жо Гомес ва Жоэль Матипни ёрдамга чақиряпти.