Сауль Альварес: "Теренс Кроуфорд билан жанг меросим учун жуда муҳим”

Мексикалик машҳур боксчи Сауль “Канело” Альварес америкалик Теренс Кроуфордга қарши бўлажак жанги ҳақида гапирди.

“Теренс билан тўқнашув мен учун бутунлай бошқача аҳамят касб этади. Рингга чиққанимда, сиз буни дарҳол ҳис қиласиз ва менинг меросим учун қанчалик муҳимлигини тушунасиз”, — деди мексикалик "The Ring" нашрига берган интервьюсида.

Маълумот учун, Альварес (63-2-2, 39 КО) ва Кроуфорд (41-0, 31 КО) ўртасидаги баҳс 13 сентябрь куни Ар-Риёд шаҳрида бўлиб ўтади.