Сегундадан Ла Лигага қайтган учинчи жамоа ҳам аниқ бўлди

Ла Лигага ўтиш йўлида бўлиб ўтган беллашувда "Жирона" клуби сафарда "Тенерифе" жамоасини 3:1 ҳисобида мағлуб этди. Дастлабки баҳс 0:0 ҳисобидаги нурсиз дуранг билан якун топган эди. 

Меҳмонлар сафида голларга Стуани, Леон (автогол) ва Мартинез муаллифлик қилди. Мезбонлар сафида ягона гол Аренага ҳисобига қайд этилди.

Шу тариқа, Каталония клуби "Жирона" Ла Лигага йўл олди. Аввалроқ, "Альмерия" ва "Вальядолид" жамоалари юқори дивизонга йўлланма олганди.

Маълумот ўрнида, "Жирона" 2018/2019 йилги мавсум якунида 18-ўринни эгаллаб, Сегундага тушиб кетган.