Семеньо “Манчестер Сити” футболчиларига баҳо берди

“Манчестер Сити”нинг қанот ҳужумчиси Антуан Семеньо “Борнмут”дан “шаҳарликлар” сафига кўчиб ўтганидан бир ой ўтиб, клубдаги таассуротлари билан ўртоқлашди.

Семеньо жамоада дўстона муҳит ҳукм суришини таъкидлаб, бу ўйинчиларнинг ўзини эркин ҳис қилишига ёрдам беришини айтди.

- Жамоадагиларнинг ҳаммаси дўстона муносабатда. Бу ерда ажойиб муҳит ҳукм суради. Биз ўзимизни кутилган меҳмондек ҳис қиламиз, эркинмиз. Бу – ҳақиқий чемпионлар муҳити.

Дунёнинг энг буюк футболчилари билан бирга ўйнаб, энг яхши мураббийлардан бири қўл остида ишлаш орқали ўз ўйинимни янги босқичга олиб чиқаман, - деди Семеньо клубнинг расмий сайти вакиллари билан суҳбатда.

Манчестерга келганидан кейин Антуан Семеньо ҳозиргача 6 та ўйин ўтказиб, 4 та гол урди ва 1 та голли узатма берди.