"Сент-Этьен" бекор қилинган ўйин учун 88 мингта билет сотди

"Сент-Этьен" клуби коронавирусга қарши курашиш учун ўзгача услубдан фойдаланди.

Француз клуби Франция Кубоги финал баҳси доирасида ПСЖ билан бўлиб ўтадиган ўйинга 88058 та онлайн билет сотиб улгурди.

Баҳс 25 апрель санасида "Стад де Франс" стадионида бўлиб ўтиши керак эди. Бироқ ўйин коронавирус пандемияси сабаб бекор қилинди.

Таъкидланишича, хар бир билет 1 еврода сотилди ва ундан тушган барча маблағ Сент-Этьендаги касалхоналарга хайрия сифатида юборилади.