Сербия терма жамоаси дарвозабони

"Севилья" ёзда Сербия терма жамоаси дарвозабони Марко Дмитрович билан ўз сафини кучайтириши мумкин.

Estadio Deportivo нашрининг ёзишича, 28 ёшли посбоннинг “Эйбар” билан амалдаги шартномаси мавсум охирида ўз ниҳоясига етади ва у шундан сўнг андалусияликлар сафига эркин агент сифатида текинга бориб қўшилади.

Дмитрович “Эйбар” сафида 2017 йилдан буён тўп суриб келмоқда. У жорий мавсум Ла Лигада 18 та ўйинда майдонга тушди ва ўз дарвозасидан 18 та гол ўтказиб юборди. Марко Сербия терма жамоасида 16 та учрашув ўтказган.

Матнда хатолик топсангиз, ўша хатони белгилаб, бизга жўнатинг (Ctrl + Enter)