Серена Уильямс яна бир бор Парижни ҳайратга солди

Америкалик афсонавий теннисчи Серена Уильямс, "Катта дубулға" туркумига кирувчи "Ролан Гаррос" мусобақасини ғалаба билан бошлади.

Париж шаҳрида ўтказилаётган мазкур турнирда Серенанинг илк рақиби, россиялик Виталия Дьяченко бўлди. Уч сет давом этган ўйинда Уильямс 2:6, 6:1, 6:0 ҳисобида рақибини таслим қилди.

Шу тариқа америкалик теннисчи, Франция очиқ чемпионатининг иккинчи даврасида япониялик Куруми Нара, ёки словениялик Далила Якуповичга қарши кортга чиқадиган бўлди.