Сервер Жепаров жамоаси 2 та халқаро ўртоқлик ўйини ўтказади

Хабарингиз бор, Ўзбекистон U-15 терма жамоаси 2023 йилги U-17 Осиё кубоги саралаш босқичи баҳсларига жиддий тайёргарлик олиб бормоқда.

Сервер Жепаров мураббийлиги остидаги ўсмирларимиз 2-8 август кунлари пойтахтимиздаги “Чиғатой” стадионида машғулот ўтказди.

Бугун U-15 терма жамоамиз Тошкент-Душанбе ҳаво рейси орқали Тожикистонга йўл олди. Ўсмирларимиз 9-14 август кунлари Душанбе шаҳрида ташкил этиладиган йиғин давомида Тожикистон U-15 терма жамоаси билан иккита халқаро ўртоқлик учрашувида майдонга тушади. Бу ҳақда ЎФА матбуот хизмати хабар берди.

Мазкур ўртоқлик ўйинлари 11 ва 13 август кунлари Душанбедаги “Республика Марказий” стадионида бўлиб ўтади. Ўйинлар Тошкент вақти билан соат 19:30да старт олади.