Serxio Ramos “Manchester Yunayted” taklifini qabul qiladimi?

“Manchester Yunayted” rahbariyati “Real” bilan yangi bitim bo‘yicha kelisha olmayotgan Serxio Ramosga rad etib bo‘lmas taklif tayyorlayotgani ma’lum bo‘ldi.

Yozda “Qirollik klubi” bilan amaldagi shartnomasi tugaydigan 34 yoshli futboli ayni paytda istalgan jamoa bilan muzokara o‘tkazish huquqiga ega. Bundan qator grand jamoalar foydalanib qolmoqchi.

Ma’lumotlarga qaraganda, manchesterliklar dunyoning eng kuchli markaziy himoyachilaridan hisoblangan Ramosga ikki yillik kelishuv taklif qiladi.

Hozircha, “Manchester Yunayted” mutasaddilari Ramosning madridliklar bilan muzokarasini diqqat bilan kuzatib turibdi. Ular kelisha olmagan taqdirda, Sulsher jamoasi ispan himoyachisiga aloqaga chiqadi.